Talǵat Qalıev aldaǵy saılaý jaıly: Jańǵyrý jolymen kele jatyrmyz
«Bárimiz de jańǵyrý jolymen kele jatyrmyz. Bul turǵyda Belarýs pen Qyrǵyz Respýblıkasyndaǵy oqıǵalar jarqyn mysal bola alady. Ásirese Qyrǵyz Respýblıkasynda qansha tóńkeris bolǵanyn umytyp ta qaldyq. Osy rette ondaǵy ózgeristerdiń oń nátıje bere qoımaıtyny da baıqaldy. Biz jańa saıası dástúrdi qalyptastyryp jatyrmyz. Eger ony oraıly ustana bilsek, uzaqmerzimdi saıası dástúrdiń negizin qalaýǵa bolady. Bul ózgeristerge bireýdiń kóńili tolmaýy múmkin, bireýi qarqynyna syn aıtýy yqtımal. Biraq tipti bir adamnyń taǵdyry týrasynda da jeńil oımen sheshim qabyldamaý kerek», - dedi Talǵat Qalıev elordada ótken «Saılaý-2021: saıası modernızatsııanyń jańa kezeńi» atty sarapshylyq kezdesýde.
Onyń aıtýynsha, elimizde qazirgi tańda partııalyq alańnyń evolıýtsııasyn aıqyn baıqaýǵa bolady.
«Buryn bizdegi partııalardyń bári de kóshbasshylar partııasy bolatyn. Shyntýaıtynda partııa kóshbasshylary ózara básekelesip, Tuńǵysh Prezıdent basymdyqqa ıe bolyp keldi. Al qazir Nur Otan basqalarmen teń jaǵdaıda qaldy, sebebi Tuńǵysh Prezıdent te, qazirgi Prezıdent te úgit jumystaryn júrgizip jatqan joq», - dedi ol.