Talǵarlyq kásipkerler jylyjaı salasyn damytý máseleleri boıynsha senatormen pikir almasty

TALǴAR. QazAqparat – Parlament Senatynyń depýtaty Sultanbek Mákejanov Almaty oblysynyń Talǵar aýdanynda ornalasqan jylyjaı kesheninde boldy. Depýtat ónimdi ósirý men saqtaý, jylyjaıdy damytý salasyndaǵy jańa tehnologııany paıdalaný barysymen tanysty, dep habarlaıdy QazAqparat Palatanyń baspasóz qyzmetine silteme jasap.

Kezdesýde jylyjaı sharýashylyǵyn odan ári órkendetýdiń problemalyq máseleleri men keleshegi talqylandy. Osy salany memlekettik qoldaý salasy da sóz boldy. Senator bul baǵytta tıisti memlekettik organdar, kvazımemlekettik sektor depýtattyq korpýspen birlesip memlekettik qoldaý tetikterin pysyqtap jatqanyn atap ótti.

«Senat elimizdiń Úkimetimen birlese otyryp otandyq kásipkerlerge qoldaý kórsetýdi jalǵastyra beredi jáne yntymaqtastyqtyń jańa nysandaryn ázirleıtin bolady», - dedi senator.

Sondaı-aq, depýtat Senattyń elimizdi áleýmettik-ekonomıkalyq damytýǵa jáne halyqtyń tabysyn arttyrýǵa baǵyttalǵan zań shyǵarý jumysy týraly aıtyp berdi.