Talǵarlyqtar kóshesin ózderi jóndep jatyr: Ákimdik jelide taraǵan vıdeony túsindirdi

<p>QONAEV. KAZINFORM — Almaty oblysy Talǵar qalasynyń turǵyndary qalanyń joldaryn ózderi jóndep jatyr.</p>

Áleýmettik jelide jergilikti turǵyndardyń qalanyń ortalyq kósheleriniń birinde shuńqyrlardy jaýyp jatqanyn kórsetetin vıdeo tarady.

Postta olardyń óz qarajatyna jóndeý jumysyn júrgizip jatqany aıtylǵan.

«Talǵar aýdanyna jyl saıyn jol jóndeýge bıýdjetten mol qarjy bólinedi… halyq nashar joldarmen júrip, tipti óz qarajatyna olardy jóndeıdi» delinedi postta.

Talǵar aýdandyq jolaýshylar kóligi jáne avtomobıl joldary bólimi turǵyndar sý qubyryn ózderi júrgizip, keıin kósheni óz qarajatyna jóndegenin habarlady.

«Óz tarapymyzdan Talǵar qalasy kóshelerinde jóndeý jumysyn júrgizýge jobalyq-smetalyq qujattama daıyn ekenin habarlaımyz. Biraq onyń kópshiliginde Talǵar qalasynyń sýmen jabdyqtaý júıesin rekonstrýktsııalaý jáne salý jobasy (1,2,3,4-kezeńder) boıynsha sý qubyryn aýystyrý kútilip otyr. Jumys qarjy bólingen soń bastalady» dep habarlady Talǵar aýdandyq ákimdigi.

Eske salaıyq, Almaty oblysy Talǵar qalasynyń shekarasy ózgeretinin jazǵanbyz.