Talǵarǵa jańa ákim saılandy

<p>ALMATY. KAZINFORM &ndash; Talǵarǵa jańa ákim saılandy. Daýys berý nátıjesinde bul qyzmetti Arystanbek Ábilqaıyruly atqaratyn boldy.</p>

Talǵar aýdandyq aýmaqtyq saılaý komıssııasynyń málimetinshe, Arystanbek Ábilqaıyrulyna 9071 saılaýshy daýys bergen.

– Saılaýshylar tizimine barlyǵy 42 774 adam engizildi, onyń 12 875-i daýys berdi. Qala ákimi laýazymyna úmitker Jánibek Kádenov 1 875, Álibek Ramazanov 1 140 daýys jınady. 182 saılaýshy barlyǵyna qarsy daýys berdi Saılaý qorytyndylarymen Talǵar qalasynyń ákimi bolyp:

Abılhaıruly Arystanbek saılandy, — delingen habarlamada.

Eske salaıyq, tizimde úsh kandıdat boldy.

«Talǵar turǵyn úı» JShS-niń basshysy,1983 jyly týǵan Arystanbek Abıhaıruly «Amanat» partııasy atynan usynyldy.

Ekinshi kandıdat – Jánibek Kadenov. 1991 jyly týǵan. Ol «Talǵar aýdany ákiminiń apparaty» MM-niń qarjy-sharýashylyq bóliminde bas maman bolyp jumys isteıdi. Ony Qazaqstan halyqtyq partııasy usyndy.

Sońǵy úmitker – Álibek Ramazanov. Ol ózin-ózi usynǵan. Ol Besaǵash aýyldyq okrýginiń apparaty memlekettik mekemesinde ákimniń orynbasary bolyp qyzmet etedi.

Eske salaıyq, Talǵarda 2024 jyldyń 15 jeltoqsanynda qala ákiminiń saılaýy ótti.

Osyǵan deıin Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatylǵany týraly jazǵan edik. 

Aıta keteıik, 4 qazanda Talǵar qalasyndaǵy tóbelesten bir adam mert boldy. 

Buǵan deıin, Talǵar aýdanynyń aýmaqtyq saılaý komıssııasy qala ákiminiń saılaý kúnin 15 jeltoqsanǵa belgilegen bolatyn.