Talǵardaǵy jasóspirimniń ólimi: Beınebaqylaý kameralarynan alynǵan jazbalar zerttelip jatyr

<p>QONAEV. KAZINFORM &ndash; Almaty oblystyq polıtsııa departamenti bastyǵynyń mindetin atqarýshy Serik Shalqarov 16 jastaǵy jasóspirimniń ólimine qatysty túsinik berdi.</p>

«Kámeletke tolmaǵan balany óltirý faktisi boıynsha polıtsııa qylmystyq is qozǵady. Barlyq kináli adamdar ustalyp, ýaqytsha ustaý ızolıatoryna qamaýǵa alyndy. Qylmystyq isti tergeý Іshki ister mınıstriniń erekshe baqylaýyna alynyp, onyń nusqaýy boıynsha arnaıy jedel -tergeý top jumys atqarýda. Barlyq jınalǵan dálel, sonyń ishinde beınebaqylaý kameralarynan alynǵan jazbalar zerttelýde. Qazirgi ýaqytta jeti adamnyń qylmysqa qatysy bar ekeni anyqtaldy. Jábirlenýshi taraptyń dálelderi boıynsha basqa tulǵalardyń qatystylyǵyn anyqtaý úshin tergeý aıasynda tekserý júrgizilip jatyr. Árqaısysyna qatysty quqyqtyq baǵa beriletin bolady. Qaıtys bolǵan jasóspirimniń zańdy ókilderi tergeý barysy týraly habardar etilip otyr. Tergeý múddesi úshin ózge aqparat jarııa etilmeıdi»,- dedi Almaty oblysy PD bastyǵynyń mindetin atqarýshy Serik Shalqarov.

Eske salaıyq, 4 qazanda Talǵar qalasyndaǵy tóbelesten bir adam qaıtys boldy.

Keıin talǵarlyqtar jasóspirimniń ólimine baılanysty narazylyqqa shyqty.

Almaty oblysynyń prokýratýrasy kisi óltirý týraly bul is erekshe baqylaýǵa alynǵanyn resmı túrde habarlady.

Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy.

Sondaı-aq, quqyq qorǵaýshy Aıtbek Amangeldi qaza tapqan jasóspirimniń otbasyna advokattar taýyp berdi.