Talǵarda jasóspirimdi talaı jazdaǵan qańǵybas ıtter aýlandy

<p>Almaty oblysynda jasóspirimge shabýyl jasaǵan 10-nan astam qańǵybas ıttiń beseýi aýlanyp, veterınarlyq pýnktiń ýaqytsha ızolıatoryna qamaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Almaty oblysy ákimdiginiń málimetinshe, 27 jeltoqsan kúni oblystyq veterınarııa basqarmasynyń mamandary Talǵar qalasynda qańǵybas ıtterdi aýlaý jumysyn júrgizgen. 

«Profılaktıkalyq shara barysynda 5 ıt aýlanyp, veterınarııa pýnktiniń ýaqytsha ızolıatoryna qamaldy. Tek bir jyldyń ishinde Talǵar qalasynda 330 qańǵybas ıt aýlanǵan. Qaraýsyz qalǵan úı janýarlaryn aýlaýmen arnaıy jasaq aınalysady. Jumys jeke jáne zańdy tulǵalardyń ótinishine sáıkes júrgiziledi. Atalǵan másele boıynsha 8771 466 9170 telefonyna habarlasýǵa bolady», — dep habarlady Almaty oblysy ákimdiginiń baspasóz qyzmeti.

Óńir ákimdigi málim etkendeı, áleýmettik jelide taraǵan beınejazbadaǵy jetkinshekten medıtsınalyq mekemelerge eshqandaı shaǵym túspegen.

Buǵan deıin Almaty oblysynda ul balaǵa qańǵybas ıtter tap bergenin jazǵan bolatynbyz.