Talǵarda polıtsııa formasyn zańsyz kıgen er adam 18 myń teńge aıyppul tóleıdi

<p>QONAEV. KAZINFORM &mdash; Almaty oblysy Talǵar aýdandyq soty polıtsııa formasyn zańsyz kıgen er adamǵa 18 460 teńge aıyppul saldy.</p>

Almaty oblysy Talǵar aýdandyq sotynda Ákimshilik quqyq buzý týraly kodekstiń 675-babynyń 1-bóliginde kózdelgen arnaıy polıtsııa qyzmetkeriniń formasyn zańsyz kıip júrý faktisi boıynsha I. esimdi azamatqa qatysty ákimshilik is qaraldy.

Quqyq buzýshynyń kinási onyń moıyndaýymen, sondaı-aq sot otyrysy barysynda zerttelgen is materıaldarymen dáleldendi.

«Sot qaýlysymen quqyq buzýshy I. kodekstiń 675-babynyń 1-bóligi boıynsha kináli dep tanylyp, oǵan 5 AEK (18 460 teńge) kóleminde aıyppul salyndy. Forma tárkilenedi» dep habarlady sottan.

Qaýly zańdy kúshine engen joq.

Buǵan deıin áleýmettik jelide polıtsııa formasyn kıgen er adamnyń vıdeosy paıda bolǵan edi.