Talǵarda kezekte turǵan azamattarǵa 170 jaldamaly páter berildi

TALDYQORǴAN. QazAqparat - Astana kúnin merekeleý qarsańynda Almaty oblysynyń Talǵar qalasynda turǵyn úıge kezekte turǵan azamattarǵa satyp alý quqyǵynsyz jalǵa beriletin 170 páter tapsyryldy, dep habarlaıdy QazAqparat tilshisi.

Jalpy 170 páterdiń 61-i «Halyqtyń áleýmettik osal toptary», 55-i «Kópbalaly otbasy», 34-i «Jetim balalar» jáne 20-sy «Memlekettik qyzmetkerler jáne bıýdjettik uıym qyzmetkerleri» syndy birneshe sanat boıynsha kezekte turǵan azamattarǵa bólingen.

Berilgen páterler Talǵar aýdany ákimdiginiń tapsyrysy boıynsha Talǵar qalasynyń «Jańa Talǵar» yqshamaýdanynda salynǵan.

Sonymen birge qurylysy aıaqtalǵan taǵy 170 páterli 3 úı «Nurly jer» baǵdarlamasy aıasynda júzege asyrylýda. Osy alty úıdiń qurylys jumystaryna memlekettik bıýdjetten jalpy 3 mlrd 135 mln teńge jumsaldy.

«Aýdanymyzda turǵyn úı alý kezeginde 4912 adam tur. Qazirgi ýaqytta turǵyn úı jaǵdaıyn jaqsartýda azamattardy qoldaý úshin sharalar kesheni iske asyrylýda. Osy jyly 340 páterli 6 úıdiń qurylysyn aıaqtap, qoldanysqa berdik. Kelesi jyly 9 qabatty 5 úıdiń (360 páter) qurylysyn bastaýdy josparlap otyrmyz», - dedi Talǵar aýdanynyń ákimi Jolan Omarov.