Talǵarda karantın buzǵan bıznes nysandaryna 15 mln teńgege jýyq aıyppul salyndy
Almaty oblysy sanıtarlyq-epıdemıologııalyq baqylaý departamenti baspasóz qyzmetiniń málimetinshe, Talǵar aýdanynda jyl basynan beri monıtorıng toby 1834 tekserý júrgizip, 14 608 nysandy qamtyǵan.
Reıd barysynda karantın talaptaryn buzǵan 155 jaǵdaı anyqtalǵan. Nátıjesinde jalpy somasy 14 585 000 teńge kóleminde aıyppul salyndy.
Jalpy Talǵar aýdanynda 2020 jyldyń basynan bastap 5396 adamnan zerthanalyq synama nátıjesinde COVID-19 indeti anyqtaldy.
Onyń 1327-inde aýrý belgileri baıqalmaǵan, 4045-si sıptomdy. Qazirgi kezde 318 naýqas ambýlatorııalyq em qabyldasa, 751 turǵyn úı karantıninde jatyr.
Talǵar aýdanynda ekpe alý qarqyndy júrip jatyr.
Aımaqtaǵy medıtsına qyzmetkerleriniń 97%, bilim oshaqtaryndaǵy mamandardyń 89,8%, aýdandaǵy memlekettik qyzmetkerlerdiń 86%, quqyq qorǵaý organdarynyń mamandarynyń 82%, stýdentterdiń 37,1% vaktsına saldyrdy.
Uzyn-sany 36 877 adam ekpe alǵan.