Talǵarda ızolıatordan qashqan kúdiktiniń oqıǵasy boıynsha salǵyrttyq babymen is qozǵaldy

<p>ASTANA. KAZINFORM &ndash; Іshki ister mınıstriniń orynbasary Igor Lepeha Almaty oblysynyń Talǵar aýdanynda kámeletke tolmaǵan qyzdy zorlady degen kúdiktiniń ýaqytsha ustaý ızolıatorynan qashyp ketý faktisi týraly pikir bildirdi.</p>

Májilis otyrysynan shyqqan vıtse-mınıstr jýrnalısterdiń suraǵyna bergen jaýabynda kúdiktiniń áli qolǵa túspegenin rastady.

«Qylmyskerdi izdep jatyrmyz, ony ustaımyz. Іzdep jatyrmyz, bul ońaı emes. Barlyq sharany qabyldap jatyrmyz. Qyzmettik tekserý-tergeý júrgizip jatyrmyz. Bári jazalanady. Salǵyrttyq boıynsha is qozǵaldy. Kinálilerdi jaýapqa tartamyz», - dedi Igor Lepeha.

Eske salsaq, Almaty oblysynyń polıtsııa departamenti ýaqytsha ustaý ızolıatorynan qashqan kúdiktige izdeý jarııalaǵan edi. 

«Almaty oblysy Polıtsııa departamenti ýaqytsha ustaý ızolıatorynan qashyp ketken  azamat 1998 jyly týǵan, Talǵar aýdany, Tereńqara aýyly, Novostroıka kóshesi, №216-úı meken-jaıy boıynsha tirkelgen Bekarys Sábıtuly Qalmyrzaevqa izdeý salamyz, - delingen habarlamada.