Talǵarda ızolıatordan qashqan kúdikti ustaldy – polıtsııa

<p>ASTANA. KAZINFORM &ndash; Talǵar aýdanynda kámeletke tolmaǵan qyzdy zorlady degen kúdikpen ustalyp, ýaqytsha ustaý ızolıatorynan qashyp ketken aıypty quryqtaldy. Bul týraly Almaty oblysynyń Polıtsııa departamentiniń baspasóz qyzmeti habarlaıdy.</p>

«Jedel-izdestirý is-sharalary nátıjesinde 21 qazanda ýaqytsha ustaý ızolıatorynan qashqan kúdikti K. Tereńqara aýylynyń shetinde ustaldy. Іzdestirý jumystary bastalǵan sátten bastap polıtsııanyń barlyq kúshteri jumyldyryldy. Sondaı-aq izdeý sharalaryna qoǵam belsendileri men oblys turǵyndary tarapynan qurylǵan erikti jasaqtar atsalysty», - delingen habarlamada. 

Jergilikti polıtsııanyń málimetinshe, kúdikti qaıtadan ýaqytsha ustaý ızolıatoryna qamaldy. 

«Kúdiktige negizgi qylmysynan bólek qamaýdan qashqany úshin aıyp taǵylady», - deıdi quzyrly departamentten. 

Talǵarda ýaqytsha ustaý ızolıatorynan qashyp ketken kúdiktige izdeý jarııalanǵan edi. 

Artynan Talǵarda ızolıatordan qashqan kúdiktiniń oqıǵasy boıynsha salǵyrttyq babymen is qozǵaldy.