Talǵarda belgisiz bireýler er adamdardy soqqyǵa jyqty

TALǴAR. QazAqparat - Almaty oblystyq polıtsııa Talǵar aýdany Besaǵash aýylyndaǵy «Aspan sıtı» turǵyn úı kesheniniń aýlasynda er adamdardy soqqyǵa jyqqan bir top jas jigitti izdestirip jatyr, dep habarlaıdy QazAqparat tilshisi.

Onyń vıdeosy áleýmettik jelide tarap jatyr.

Almaty oblystyq polıtsııa departamentiniń málimetinshe, oqıǵa 12 maýsymnan 13 maýsymǵa qaraǵan túni bolǵan.

Atalǵan fakti boıynsha QR Qylmystyq kodeksiniń 293-baby (Buzaqylyq) boıynsha qylmystyq is qozǵaldy.

«Іs materıaldarynda jábirlenýshi retinde bes jergilikti turǵyn bar, onyń ekeýi túrli dene jaraqattarymen aýrýhanaǵa jetkizildi. Qazirgi ýaqytta polıtsııa qyzmetkerleri atalǵan fakti boıynsha beınejazbany zerdeleýde, sondaı-aq oqıǵanyń kýágerlerinen jaýap alýda», - dep atap ótti polıtsııanyń baspasóz qyzmetinen.

Vedomstva ókilderiniń aıtýynsha, buzaqylardy anyqtaý jáne ustaýǵa baǵyttalǵan jedel-izdestirý is-sharalary uıymdastyryldy. Qylmystyq istiń tergeý barysy oblystyq polıtsııa basshylyǵynyń erekshe baqylaýynda.