Talǵarda ákesiniń kóligin aıdap ketken bala oqýshy qyzdy qaqty

<p>QONAEV. KAZINFORM &ndash; Talǵarda ákesiniń kóligin júrgizip ketken uly kámeletke tolmaǵan qyzdy qaqty.</p>

Oqıǵanyń vıdeosy áleýmettik jelige shyqty. Onda oqıǵanyń Talǵar qalasynda bolǵany jazylǵan.

Almaty oblysynyń polıtsııa departamenti áleýmettik jelini tekserý barysynda atalmysh oqıǵany anyqtaǵan. 

Jedel-izdestirý barysynda kólikti júrgizýshi men onyń ıesi tabyldy.

«Zardap shekken qyzdy dárigerler tekserip, úıine jiberdi. Sebebi onda dene jaraqattary bolǵan joq. Avtokólikti onyń ıesiniń kámeletke tolmaǵan uly júrgizgeni belgili boldy. Qazirgi tańda kináli tulǵaǵa qatysty Ákimshilik quqyq buzý týraly kodekstiń 610-babynyń 1-bóligi boıynsha ákimshilik hattama toltyryldy», — dep habarlady polıtsııanyń baspasóz qyzmeti.

Sondaı-aq mundaı oqıǵa qaıtalanbas úshin kólik ıesi jáne onyń ulymen profılaktıkalyq áńgime júrgizilgen.