Talǵarda 16 jasar Sherzattyń úıi órtendi - polıtsııa otbasyny qorǵaýǵa aldy

<p>QONAEV. KAZINFORM - Almaty oblysynda Talǵardaǵy janjal kezinde qaıtys bolǵan 16 jasar Sherzat Bolattyń úı órtendi.</p>

TJD málimetine sáıkes, 12 qazan kúni saǵat 00:50-de úıdi jalyn sharpyǵan. Órt 01:38 oqshaýlanyp, saǵat 01:43-de tolyǵymen joıylǵan.

- Qurbandar men zardap shekkender joq. Órttiń sebebin anyqtaý úshin Almaty oblysy TJD zertteý synaq órt zerthanasy men anyqtaý bóliminiń qyzmetkerleri oqıǵa ornynda, - dep habarlady TJD.

Almaty oblysynyń Polıtsııa departamenti Bótenniń múlkin qasaqana joıý faktisi boıynsha is qozǵalǵanyn habarlady. Qazirgi ýaqytta kýágerlerden jaýap alynyp, sondaı̆-aq beı̆nebaqylaý kameralarynyń jazbalary zerttelip jatyr.

Sondaı-aq polıtsııa málimetine sáıkes, marqum Sherzat Bolattyń otbasy polıtsııa qyzmetkerleriniń qorǵaýyna alynǵan.

- Kelip túsken aryzǵa sáıkes 4 qazanǵa qaraǵan túni Talǵar aýdanynda qaza tapqan kámeletke tolmaǵan balanyń otbasy kúzetpen qamtamasyz etilgen. Otbasynyń turǵylyqty jeri boıynsha qaýipsizdikti qamtamasyz etý úshin polıtsııa qyzmetkerleriniń tarapynan táýlik boıy kezekshiligi uıymdastyryldy, - dep habarlady oblystyq PD baspasóz qyzmeti.

Eske salaıyq, buǵan deıin 4 qazan kúni Talǵar qalasyndaǵy tóbelesten jasóspirim qaıtys bolǵanyn jazǵanbyz. 

Almaty oblysynyń prokýratýrasy kisi óltirý týraly bul is erekshe baqylaýǵa alynǵanyn habarlady.