Talǵar ózeniniń tasýy: Joldy sý shaıyp ketýine baılanysty 9 týrıst aıdalada qalyp qoıǵan

ASTANA. QazAqparat - Tótenshe jaǵdaılar mınıstrligi Almaty oblysyndaǵy sel jaıynda málimet taratty, dep habarlaıdy qazAqparat.

Oǵan sensek, Talǵar ózeninde sý shyǵyny tómendegen, sekýndyna - 23 tekshe metr.

Al bógettegi sýdyń eń joǵary qaýipti mejesi - sekýndyna 70 tekshe metr.

Ózende kezekshilik jáne monıtorıng jalǵasyp jatyr.

Ótken túni quramynda 11 adam jáne 3 ROSO jáne TJD tehnıkasy bar izdestirý toby bir ormanshy men 9 týrısti qutqardy.

Olar Eńbekshiqazaq aýdanyndaǵy Esik ózeniniń basseıninen shyqqan sel qara joldy shaıyp ketýine baılanysty ormanshynyń úıinde qalǵan.

Týrısterge medıtsınalyq jáne basqa kómek qajet emes.

Sondaı-aq, Jambyl ózeniniń Besmoınaq aýyly mańynda 11 adam jáne 2 tehnıka taýǵa shyqqan 4 adamdy qutqardy.

Medıtsınalyq kómek qajet emes, izdeý-qutqarý jumystary aıaqtaldy.