Talǵar ózeniniń tasýy: qazirgi ahýal turaqty
Jambyl aýdanynda Shıen aýyldyq okrýginiń Shıen aýylynda jergilikti atqarýshy organnyń kúshteri men quraldary, Uzynaǵash aýylynyń 4-ÓSB órt sóndirýshileri, sondaı-aq 28237 áskerı bóliminiń qyzmetshileri 138 jeke turǵyn úı aýlalarynan, úılerdiń 10 jertóle úı-jaıynan sý soryp shyǵarǵan.
Vedomstvo málimetinshe, qalǵan sý qaldyqtary topyraqqa sińip ketti. Jaǵdaı turaqty.
«Talǵar aýdanynda Talǵar ózeniniń boıynda jaýyn-shashynnyń kóp mólsherde túsýine baılanysty sý deńgeıi kóterildi. Qazirgi ýaqytta Talǵar ózenindegi sý deńgeıi sekýndyna 37 tekshe metrdi quraıdy. Gıdrotehnıkalyq qurylystyń sý ótkizý qabileti sekýndyna 70.5 tekshe metrdi quraıdy. Monıtorıng júrgizý jáne jedel sharalar qabyldaý maqsatynda ólshemder júrgizilýde. Qosymsha baqylaý beketteri ornatyldy. Jedel shtabtyń jumysy uıymdastyryldy. Jaýyn-shashyn toqtady, jaǵdaı turaqty», - dep jazylǵan TJM habarlamasynda.