Talǵar oqıǵasy boıynsha qandaı saraptamalar jasalýda

<p>ASTANA. KAZINFORM - Ádilet mınıstrliginiń resmı ókili Talǵat Ýálı Talǵar oqıǵasy boıynsha qandaı saraptama júrip jatqanyn aıtty.</p>

«Atalǵan shýly oqıǵaǵa baılanysty istiń mán-jaıyn aıta almaımyz. Sebebi ol Іshki ister mınıstrliginiń mindetine jatady. Al sot-medıtsınalyq saraptamalarǵa kelsek, 5 túrli saraptama taǵaıyndaldy. Olar: máıittiń ekspertızasy, sol jerdegi shyqqan órttiń sebepterin anyqtaý ekspertızasy, foto-tehnıkalyq ekspertıza, molekýrlıarly-genetıkalyq ekspertıza, bıologııalyq ekspertıza”, - dedi ol.

Talǵat Ýálı saraptamaǵa qandaı da bir qarý alynǵan, alynbaǵanyn aıtýǵa qaqysy joq ekenin jetkizdi.

“Ol saraptamalardyń úsheýi aıaqtalyp quqyq qorǵaý organdaryna berildi. Qalǵandary zerttelip jatyr. Tolyq mán-jaıyn tek ishki ister mınıstrliginen bile alasyzdar”,- dedi resmı ókil.

Eske salaıyq, buǵan deıin 4 qazanda Talǵar qalasyndaǵy tóbelesten 16 jasar jasóspirim qaıtys bolǵanyn jazǵanbyz.

Ashýly talǵarlyqtar jasóspirim ólimine baılanysty narazylyqqa shyqty.

Almaty oblysynyń Prokýratýrasy kisi óltirý týraly bul is erekshe baqylaýǵa alynǵanyn resmı túrde habarlady.

Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy.

12 qazan túnde qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.

18 qazan kúni Almaty oblysy prokýrorynyń orynbasary men Talǵar aýdanynyń prokýrory qyzmetinen ketti.