Talǵar mańynda Sherzat Polattyń aǵasy óli tabyldy

<p>QONAEV. KAZINFORM &ndash; Almaty oblysy Talǵar qalasynyń mańynda 30 jastaǵy er adamnyń máıiti tabyldy. Bul týraly oblystyq polıtsııa habarlady.</p>

Polıtsııa departamentiniń málimetine sáıkes, ol 4 qazan kúni qaıtys bolǵan Sherzat Polattyń aǵasy. Er adam aldyn ala málimet boıynsha óz-ózine qol salǵan.

– Atalǵan jaǵdaıy boıynsha qylmystyq is qozǵaldy. Qazirgi ýaqytta barlyq mán-jaıdy anyqtaý úshin tergeý jumystary júrgizilip jatyr. Ázirge istiń qylmystyq sıpaty anyqtalǵan joq, - dep habarlady oblystyq PD baspasóz qyzmeti.

Sondaı-aq polıtsııa departamentinde marqum Sh.Polattyń otbasy osy ýaqyt boıy tártip saqshylarynyń qorǵaýynda bolǵany habarlandy. Sol kúni kúzette bolǵan polıtsııa qyzmetkerleriniń aıýtynsha, er adam úıden 23:30-da shyǵyp, óz kóligimen ketip qalǵan.

Eske salaıyq, 4 qazan kúni tóbelesten 16 jasar jasópirim qaıtys bolǵanyn jazǵanbyz. 

Keıin ashýly talǵarlyqtar jasóspirim ólimine baılanysty narazylyqqa shyqty. 

Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy. 

12 qazan túnde qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady. 

Sondaı-aq Bas prokýratýra qylmysty ashý úshin vedomstvoaralyq jedel-tergeý toby qurylǵanyn málimdedi. 

15 qazan kúni Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy. Artynsha, Talǵar aýdany ákimi apparatynyń basshysy Aslan Qasymbaev qyzmetinen qýyldy.

Іshki ister mınıstrliginiń ókilderi BAQ qyzmetkerlerine Sherzat Polat qaza tapqan jerde kameraǵa túsip qalǵan vıdeony kórsetti.