Talǵar aýdanyndaǵy joldardyń birinde bir top atty kisi kókpar tartqan

ASTANA. QazAqparat - Almaty oblysy Talǵar aýdanyndaǵy joldardyń birinde bir top adam kókpar tartqan, dep habarlaıdy QR ІІM baspasóz qyzmeti.

«14 tamyzda áleýmettik jelilerge monıtorıng júrgizý barysynda Talǵar aýdany avtojoldarynyń birinde 10 adamnan quralǵan top kókpar ulttyq oıynyn oınap, sol arqyly kólik quraldarynyń jol qozǵalysyna kedergi keltirgen beınejazba anyqtalǵanyn habarlaımyz.
Atalǵan derek Talǵar aýdanynyń PB-da dereý tirkeldi.
Tekserý barysynda oqıǵanyń 12 tamyzda bolǵany anyqtaldy, qazirgi ýaqytta osy derek boıynsha QR ÁQBtK 434-babynyń 1-bóligi boıynsha ákimshilik is júrgizý bastaldy» delingen habarlamada.
Vedomstvonyń málimetine saı, is materıaldary sotqa joldanyp, onyń sheshimi boıynsha kináli tulǵalar qoldanystaǵy zańnama sheńberinde jaýapqa tartylatyn bolady.