Talǵar aýdanynda qoqystan Memlekettik rámizder tabyldy

<p>QONAEV. KAZINFORM &mdash; Almaty oblysy Talǵar aýdanynda ornalasqan qoqys polıgonynda Memlekettik rámizder tabyldy. Qoqys arasynda jatqan birneshe Eltańba men Memlekettik týdyń beınejazbasy áleýmettik jelilerde tarady.</p>

Aýdan ákimdiginiń málimetine sáıkes, beınejazba Talǵar aýdanyna qarasty Qaınar aýyldyq okrýginiń Erkin aýylynyń aýmaǵynda ornalasqan qoqysta túsirilgen.

— Ákimdik qyzmetkerleri polıgon alańyn tekserdi. Tekserý kezinde atalǵan memlekettik rámizderdiń janynda bilim berý mekemesi — kolledjdiń qujattary bar ekeni anyqtaldy. Basqa mán-jaılar anyqtalyp jatyr. Qazirgi ýaqytta polıgon ornynan Memlekettik rámizder alynyp tastaldy. Atalǵan Memlekettik rámizder Talǵar aýdanynyń memlekettik mekemelerine tıesili emes, — dep habarlady ákimdikten.

Al Almaty oblysynyń Polıtsııa departamenti Memlekettik rámizderdi qorlaý faktisi boıynsha polıtsııa qylmystyq is qozǵalǵanyn málimdedi.

— Talǵar aýdandyq polıtsııa qyzmetkerleri bolǵan oqıǵanyń barlyq mán-jaılaryn anyqtaý úshin qajetti jedel is-sharalar uıymdastyrdy. Kináli adamdarǵa qoldanystaǵy zańnamaǵa sáıkes tıisti sharalar qabyldanatyn bolady, — dep habarlady oblystyq PD baspasóz qyzmeti.

Eske salaıyq, buǵan deıin Almaty oblysynda atyshýly Hasan Qasymbaev ustalǵanyn jazǵanbyz.