Talǵan Nurǵojın: Dáriger – jaı ǵana mamandyq emes...
Onyń aıtýynsha, Memleket basshysynyń ár sózin qazaqstandyqtar zor yqylaspen tyńdady. Joldaýda densaýlyq saqtaý jáne bilim berý salasyndaǵy mindetter naqty jáne der kezinde aıqyndaldy.
«Memleket basshysynyń joldaýy óte aýqymdy, árbir qazaqstandyqtyń is júzinde ómirimen, muqtajdyǵymen, qamqorlyǵymen jáne umtylysymen ushtastyryldy. Memleket basshysy ekonomıkany damytý, kásibı mamandardy daıarlaý, medıtsınalyq qyzmettiń sapasyn jaqsartý jáne basqa da kóptegen baǵyt boıynsha naqty mindetterdi alǵa tartty. Qazir búkil álem – koronavırýs indetine qarsy birikti. Bul máseleni eń joǵary deńgeıde Prezıdenttiń ózi birinshi kezekke qoıǵany, árıne qýantarlyq jaıt. Pandemııanyń bir jarym jyly ishinde indet 10 myńǵa jýyq qazaqstandyqtyń ómirin qıdy. Olardyń arasynda dárigerler, medbıkeler, basqa da medıtsına salasynyń qyzmetkerleri bar. Bul indetten qutylýdyń eń durys joly – vaktsına alý. Qasym-Jomart Toqaev óz Joldaýynda koronavırýsqa qarsy ekpe alýdyń, vaktsınatsııadan bas tartyp qana qoımaı, halyqty keri úgitteýshilermen kúresýdiń mańyzdylyǵyn atap ótti. Bul qaýipti jańa shtamdardyń paıda bolýyna ákelýi múmkin, deıdi Prezıdent. Biz vırýstyń taralýyna jol bermeýimiz kerek», - dedi QazUMÝ rektory Talǵat Nurǵojın.
Bıylǵy Prezıdent joldaýyndaǵy taǵy bir mańyzdy jańalyq oqytýshylardy qoldaý úshin 1, 2 trıllıon teńge kóleminde qosymsha qarajat bólýge qatysty boldy, bul bilim sapasyn jaqsartý men oqytýshy mártebesin kóterýge oń áserin tıgizeri anyq.
«Dál qazir medıtsınalyq bilim berý óte mańyzdy, óıtkeni búginde dáriger – jaı ǵana mamandyq emes, kásip. Mamandardyń basqa salalarǵa ketýine jol bermeý úshin memlekettik qoldaý qajet. Men dárigerlerdiń eńbekaqysy, syıaqysy jáne basqa da yntalandyrý sharalarynyń ósip jatqanyna óte qýanyshtymyn. Aldaǵy ýaqytta Prezıdenttiń tapsyrmasy boıynsha oqytýshylardyń eńbekaqysy ósetin bolady», - deıdi spıker.
Sonymen qatar, ol bilim berý júıesindegi ózgeristerge de toqtaldy.
«Bilim berý júıesinde ózgerister tek qoǵamnyń ózi olardy júzege asyrýdy qolǵa alǵan kezde ǵana bolatyny haq. Bul jerde dál joǵary mektep qoǵamdyq pikir men memleketimizdiń bolashaǵy qalyptasatyn oryn. Sondyqtan jańashyldyqqa umtyla otyryp, dástúrlerdi saqtaý óte mańyzdy. Eńbekaqyny kóterý bilim berý júıesinen dál búgin kútetin nátıjeni kórsetpeıdi. Bilim berý sapasyn kóterý tek oqýshylar da, oqytýshylar da yntalandyrylǵan jaǵdaıda ǵana oryn almaq. Sondyqtan negizgi mindet barlyǵynyń múddelerin oraılastyrý»,- deıdi rektor.
Spıker Memleket basshysynyń Joldaýyndaǵy mindetter bolashaqqa baǵdar jáne naqty qadam ekenin atap ótti.
«Jyldamdyqpen damyp kele jatqan medıtsına dárigerlerdi daıarlaý sapasyn kúsheıtýdi talap etedi. Joǵary medıtsınalyq bilim berý júıesi medıtsına jáne farmatsevtıka kadrlaryn daıarlaýda sapaly serpilisti qamtamasyz etýi tıis – bul QazUMÝ professor-oqytýshylar quramynyń jańa oqý jylyndaǵy mańyzdy mıssııasy bolmaq. Sonymen qatar, Prezıdent Joldaýynda densaýlyq saqtaý jáne áleýmettik qyzmet kórsetý salasyn odan ári damytýdyń basymdyqtary naqty belgilengen. Ol aýrýhanalar men áleýmettik mekemelerde kórsetiletin qyzmetterdiń sapasyna tikeleı baılanysty bolatyn laıyqty eńbekaqy taǵaıyndaýdy kózdeý. Árbir dáriger men medıtsına qyzmetkeri óz eńbekaqysynyń tek onyń jumysynyń sapasy men kólemine baılanysty ekenin túsinýi jáne qabyldaýy qajet.
Qyzmet sapasyn arttyra otyryp, biz meıirimdilik týraly umytpaýymyz qajet. Dáriger mamandyǵyna kezdeısoq adamdar kelmeýi kerek. Árdaıym járdemdesýge daıyn jáne júrek jylýyn usyna alatyn, osy salamen ómirin baılanystyratyn azamattar, sózsiz, joǵary oqý oryndaryna túsý kezinde basymdyqqa ıe bolýy kerek», - dedi Talǵat Nurǵojın.
Spıkerdiń sózinshe, osy joly Prezıdent Qazaqstan halqyna Joldaýynda alǵa qoıylǵan mindetterdi oryndaý barysynda jaýapkershilikti memlekettik qyzmetkerlerge ǵana emes, azamattardyń ózine de júkteýge nazar aýdardy.
«Búgingi kúni bárimiz el ishinde jáne elden tys aqparattyq básekelestiktiń shıelenisýine kýá bolyp otyrmyz. Osyǵan oraı, Memleket basshysy árbir azamatty jaýapkershilikti umytpaýǵa shaqyrady. Elimizdiń árbir azamaty óz sózi, jumysy, densaýlyǵy, eli úshin jaýapkershilik alǵany abzal. Azamattardyń áleýmettik belsendiligi, olardyń óz densaýlyǵy men ál-aýqaty úshin jaýapkershiligi memlekettiń kepildendirilgen qoldaýymen birge áleýmettik sala qyzmetteriniń sapasyn budan da joǵary deńgeıge kóterýge múmkindik beredi», - dep túıindedi QazUMÝ rektory.