Taldyqorǵannyń sýpermarketterinde saýdalanǵan kartoptyń 70% tutynýǵa jaramsyz – QMA
Qarjylyq monıtorıng agenttigi baspasóz qyzmetiniń habarlaýynsha, agenttiktiń Jetisý oblysy boıynsha departamentiniń qyzmetkerleri azyq-túlik taýarlaryna baǵa belgileýdiń tizbek boıynsha deldaldyq shemalardy tergeý boıynsha Óńirlik komıssııamen birlesip, turaqty túrde óndirýshiden tutynýshyǵa deıingi baǵanyń qalyptasýynyń monıtorıngin júrgizip jatyr.
«Departament áleýmettik mańyzy bar azyq - túlik taýarlarynyń ónim sapasyna monıtorıng júrgizip, baǵa - sapa qatynasynyń sáıkestigi tekserildi. Monıtorıng barysynda, Taldyqorǵan qalasynyń iri sýpermarketterinde Jetisý «Áleýmettik kásipkerlik korporatsııasy» AQ jetkizetin kartop 170 teńgeden satylǵan anyqtaldy. Ol áleýmettik mańyzy bar azyq-túlik taýarlarynyń baǵasyn turaqtandyrý qorynan qarjylandyrylady, alaıda satylatyn kartoptyń sapasy óte tómen bolyp shyqty, ónimniń 70% tutynýǵa jaramsyz»,-dilengen habarlamada.
Departament bastamasymen atalǵan másele Óńirlik komıssııa otyrysynda qarastyrylyp, oblys ákimdigine jáne «Jetisý» áleýmettik kásipkerlik koporatsııasy AQ profıldi bólimshelerine tıisti nusqaýlar berildi.
Saýda oryndarynyń ákimshiligimen jáne jetkizýshilermen júrgizilgen profılaktıkalyq sharalardyń nátıjesinde, jaramsyz kartop aýystyrylyp, onyń baǵasy 1 kılogramm úshin 170 teńgeden 100 teńgege deıin tómendetildi.
«Jetisý ÁKK» AQ-na, áleýmettik mańyzy bar azyq-túlik taýarlaryn jetkizýshiler men satýshylardy baqylaýyn kúsheıtý týraly tıisti tapsyrys berildi.