Taldyqorǵanǵa kógildir otyn keldi

TALDYQORǴAN. QazAqparat - Búgin Taldyqorǵanda tarıhı sət. Kópten kútken kógildir otyn shaharǵa keldi. Premer-Mınıstr Baqytjan Saǵyntaev tarıhı sáttiń kýəsi boldy, dep habarlaıdy QazAqparat tilshisi.

Alǵashqy bolyp Qaratal aýdanyndaǵy 10 jer úı gazǵa qosyldy. Taldyqorǵandyq Nazgúl Esdəýletova kógildir otynǵa úıiniń alǵashqylardyń biri bolyp qosylǵanyn jáne bul qyzmeti úshin 98 myń  teńge  tólegenin aıtty. Gazǵa qoly jetken turǵyndar Úkimet basshysyna alǵysyn jaýdyrdy. Kómir tasyp, ot jaǵý mashaqatynan qutyldyq degen olar shahardyń damyp kele jatqanyna rızashylyqtaryn bildirdi.

Aıta ketý kerek, 2012 jyldan 2017 jylǵa deıin uzyndyǵy 264,8 km bolatyn «Almaty-Taldyqorǵan» MG jáne «Taldyqorǵan» AGTS salyndy. Jalpy quny 21,4 mlrd teńge.

Magıstraldy gaz qubyry oblystyń jalpy turǵyndarynyń 410 myń adamnan asatyn 6 aýdany men 3 qalasyn  gazben qamtýǵa múmkindik beredi.

Taldyqorǵan qalasynda  jalpy quny 22,7 mlrd teńge bolatyn qalaishilik jelileriniń qurylysy júrip jatyr. Joba 4 kezeńge bólingen. Gazben qamtý júıesiniń uzyndyǵy 1,4 myń shaqyrym. 170 myń adam gazben qamtylady dep josparlanyp otyr.