Taldyqorǵandyqtar Təýelsizdik merekesin avtosherýmen bastady

TALDYQORǴAN. QazAqparat - Jetisý jeri Təýelsizdik merekesin sən-saltanatpen atap ótýde. Taldyqorǵanda merekelik start avtosherýden bastaldy, - dep habarlaıdy QazAqparat tilshisi.

25 avtokólik kók týymyzdy jelbiretip Təýelsizdik kóshesimen júrip ótti. Avtosherý shaharǵa kire beriste ornatylǵan Qabanbaı batyr eskertkishi janynan bastalyp, Qadyrǵalı Jalaıyrı eskertkishine deıin jalǵasty.

 

Qazir merekelik shara «Jastar» saıabaǵynda jalǵasýda.  Qazaqstan Respýblıkasy Táýelsizdiginiń 25 jyldyǵyna oraı «Táýelsizdik - eldik pen erliktiń irgetasy» atty merekelik shara barysynda sporttyq jarystar, túrli kórmeler, qazaq estradasy ánshileriniń qatysýymen gala-kontsert ótedi. Keshke estrada juldyzdary Mıras pen Quralaı,  "Lashyn" toby arnaıy keldi.

Aıta ketý kerek, qazirgi tańda Almaty oblysy qarqyndy damyp keledi. 1997 jyly óńir bıýdjeti nebary 11 mlrd. teńge bolsa, qazir bul qarjy 410 mlrd. teńgege jetti.