Taldyqorǵandyqtar Naýryz merekesin toılady

TALDYQORǴAN.QazAqparat - Búgin Taldyqorǵan qalasyndaǵy áz-Naýryz meıramy «Bulaq kózin ashý» rásimimen bastalyp, sharalar «Jastar» saıabaǵy mańynda arnaıy tigilgen kıiz úıler qalashyǵynda jalǵasty,dep habarlaıdy QazAqparat oblys əkiminiń baspasóz qyzmetine silteme jasap.

«Nur sebele, Ulystyń Uly kúni» merekelik sharasynda júzdegen qala turǵyny men qonaqtary oblystyq mekeme-uıymdar uıymdastyrǵan kıiz úıler qalashyǵynyń aldyna qoıylǵan túrli kórmelerdi tamashalady. Atap aıtqanda, halyq dástúrleriniń kórmeleri, qolóner jáne qylqalam sheberleriniń «Sheberler aýyly», balalar kórkemóner mektebi tárbıelenýshileri týyndylarynyń, Qazaqstan halqy Assambleıasynyń ulttyq-mádenı ortalyqtarynyń «Dostyq alańy» kórmeleri, sol sııaqty kásiporyndar men shaǵyn jáne orta bıznes nysandarynyń «Qazaqstanda jasalǵan» kórmesi usynyldy. Sondaı-aq ulttyq sporttyq oıyndardy ótkizýge arnalǵan alańdar uıymdastyryldy.

 

Oblys ákimi Amandyq Batalov kıiz úıler qalashyǵynyń aldynda ulttyq salt-dástúrler rásimine qatysyp, jas nárestelerdiń tusaýyn kesti.

 

«Jastar» saıabaǵyndaǵy san qıly mazmundaǵy kórmelermen tanysqan oblys ákimi Amandyq Batalov úlken sahnaǵa shyǵyp, kópshilikti Naýryz merekesimen quttyqtady.

  

"Bul mereke Shyǵys kúntizbesi boıynsha Jańa jyl sanalýymen qatar, ejelden jańarý men jańǵyrýdyń, bereke men molshylyqtyń sımvoly retinde qalyptasqan. Tamyry tereńnen nár alǵan osynaý jalpyhalyqtyq qundylyqtar búgingi kúni Memleket basshysy Nursultan Ábishuly Nazarbaevtyń basshylyǵymen elimizdiń damýyna myqty irgetas bolyp otyr", - dedi A. Batalov.

 

Budan ári oblys basshysy memleket qoldaýynyń arqasynda Almaty oblysy turǵyndarynyń ál-aýqaty artyp, áleýmettik-ekonomıkalyq jaǵdaıy ilgerilip kele jatqanyndyǵyn tilge tıek etti. Qol jetken jetistikterdiń mysaly retinde kúni keshe ǵana oblystyń eki mıllıonynshy turǵynynyń dúnıege kelgenin atap ótti.

 

"Bizdiń búgingi basty maqsatymyz - Prezıdent aldymyzǵa qoıǵan tapsyrmalardy, «Qazaqstannyń úshinshi jańǵyrýy: jahandyq básekege qabilettilik» atty Joldaýyndaǵy júktegen mindetterdi júzege asyrý. Bul oraıda maqsattarymyzǵa oblys turǵyndarymen birge jumyla jumys isteýdiń arqasynda jetetinimizge senimdimin", - dedi.

 

Munan keıin oblys ákimi jetisýlyqtarǵa izgi tilegin bildirdi.

 

"Naýryz merekesinde aq dastarqan dámge tolyp, úlkender «Ulys oń bolsyn, aq mol bolsyn, bále-jala jerge ensin!» dep aq bata bergen. Osyndaı shynaıy tilek, izgi lebizden asqan jaqsy sóz bar ma?! Sondyqtan barshańyzǵa myqty densaýlyq, beıbit ómir men molshylyq tileımin!"- dedi sóziniń qorytyndysynda