Taldyqorǵandyqtar kommýnaldyq jelilerge qosylýǵa ruqsatty bir jerden alady

TALDYQORǴAN.QazAqparat - Taldyqorǵandaǵy Kásipkerlerge qyzmet kórsetý ortalyǵynda monopolıst-kásiporyndardyń ókildigi ashyldy. Endi turǵyndar men kásipkerlerge jaryq, sý, gaz ben jylýǵa qosylý qyzmeti bir jerde kórsetiledi, dep habarlaıdy QazAqparat tilshisi.

Atalmysh ortalyqta «TATEK» AQ, «Jetisý sý qubyry» QMKK, «Taldyqorǵan jylýservısi» KMK, «QazTransGaz Aımaq» AQ Jetisý óndiristik fılıalynyń ókildikteri ashyldy. Bul qyzmetter turǵyndar men bıznes ókilderi úshin bir mekemede jáne «bir tereze» rejiminde kórsetiledi.

Taǵy bir jańalyq - aýdan ortalyqtary men aýyldyq okrýgtegi kásipkerler úshin onlaın-keńes qyzmeti engizilgen. Beınebaılanys arqyly kásipker ortalyqta Óńirlik kásipkerler palatasynyń aýdandyq jáne qalalyq fılıaldarynan qajetti keńesterdi ala alady.

Taıaý arada qyzmet túri taǵy kóbeıe túsedi. Jer máseleleri, sáýlet jáne qurylys salasyndaǵy qyzmet úshin lıtsenzııa men ruqsat alý boıynsha keńester men qujat qabyldaý qyzmeti qosylyp, «Kazakh Invest» UK AQ ókildigi ashylady.

Aıta ketý kerek, Taldyqorǵan qalasynyń Kásipkerlerge qyzmet kórsetý ortalyǵynda býhgalterlik esep, marketıng, memlekettik satyp alý, memlekettik-jekeshelik áriptestik, kedendik rásimdeý, aqparattyq tehnologııalar, quqyqtyq qyzmetter tegin kórsetilýde.