Taldyqorǵandyq sheneýnik para berý kúdigine ilindi

NUR-SULTAN. QazAqparat - Almaty oblysynyń sybaılas jemqorlyqqa qarsy qyzmeti «Almaty oblysy Taldyqorǵan qalasy ákimdiginiń halyqty jumyspen qamtý ortalyǵy» KMM dırektoryn para berdi dep tekserip jatyr, dep habarlaıdy QazAqparat tilshisi.

«Ol júrgizilgen josparly tekserý qorytyndysy boıynsha zań buzýshylyqtardy kórsetpeı akt toltyrý úshin «Almaty oblysy boıynsha tekserý komıssııasy» MM memlekettik aýdıttiń bas mamanyna 400 myń teńge somasynda para berdi degen kúdikke ilindi», - dep atap ótedi QR Sybaılas jemqorlyqqa qarsy is-qımyl agenttiginen.

Vedomstvo málimetinshe, atalǵan laýazymdy tulǵalardyń para berýge jáne ony alýǵa deldaldyqqa qatystylyǵy tekserilip jatyr. Kúdiktilerge qatysty túpkilikti sheshimdi olardyń kinásiniń deńgeıin anyqtaý arqyly sot qabyldaıdy.