Taldyqorǵandyq órt sóndirýshiler janyp jatqan bólmeden 4 ballondy alyp shyqty
Jetisý oblysy TJD baspasóz qyzmeti taratqan málimetke sáıkes, búgin saǵat 7:50-de Taldyqorǵan qalasyndaǵy «ISSMILE» fast-fýd kafesiniń 50 sh.m. bolatyn as daıyndaý bólmesinde órt shyqty.
Órtti sóndirýge oblystyq TJD-niń 24 qyzmetkeri jáne 6 tehnıkasy jumyldyryldy. Jalyn saǵat 8:20-da aýzdyqtalyp, saǵat 8:27-de tolyǵymen sóndirildi. Zardap shekkender men qaza bolǵandar joq.
Taldyqorǵan qalasy №1 mamandandyrylǵan órt sóndirý bóliminiń qyzmetkerleri Ravıl Sharafýtdınov, Ádil Qalıev jáne Almas Seksenbaev óz ómirlerin qaterge tigip, janyp jatqan bólmeden 3 ottegi ballony men 1 gaz ballonyn (25 lıtrlik) shyǵardy. TJD qyzmetkerleriniń jedel is-qımyldarynyń arqasynda aýdany 300 sharshy metrden asatyn ǵımaratqa órttiń odan ári taralýyna jol berilmedi.
Órttiń aldyn ala sebebi – kartop qýyrýǵa arnalǵan qurylǵydaǵy elektr symdarynyń qysqa tuıyqtalýy.
Foto: TJM baspasóz qyzmeti