Taldyqorǵandyq oqýshylar robot-muǵalim qurastyrdy
Qultemirdi Danııl Fılımonov pen Lına Pak jáne almatylyq taǵy bir oqýshy sáýirde qurastyra bastady. Aldymen oblystyq irikteý baıqaýyna qatysyp, top jarady. Keıin robotty jetildirip, respýblıkada úzdik atanady. Kemshilikterin joıyp, ábden pysyqtap halyqaralyq dodaǵa shyqty.
Aıtýlarynsha, robotty tolyq jasaýǵa jarty jyl ketti. Mektep oqýshylarynyń oılap tapqan qultemiri birneshe pánnen sabaq berip, ınklıýzıvti balalardy da oqytýǵa qabiletti. ıAǵnı nashar estip, kórý qabileti tómen oqýshylarǵa da beıimdelgen.
«Bul robotty bolashaqta muǵalimniń kómekshisi retinde qoldanýǵa bolady» deıdi joba avtory Danııl Fılımonov.
Danııldiń aıtýynsha, qazirgi tańda robot kamera arqyly oqýshynyń kim ekenin anyqtaýǵa qabiletti. Sondaı-aq, ol estý qabileti tómenderge ıshara belgilerin úıretip, kórý qabileti nasharlarǵa braıl tilin oqyta alady.
Aıta ketý kerek, robot-muǵalim qazir tek aǵylshyn tilinde sabaq júrgizedi. Sebebi olımpıada halyqaralyq bolǵan soń, baǵdarlamalar da aǵylshyn tilinde daıyndaldy. Oqýshylar, qajet bolsa, qultemirdi qazaq tilinde de sóıletýge daıyn.