Taldyqorǵandyq ansambl halyqaralyq jarysta bas júldeni jeńip aldy

TALDYQORǴAN.QazAqparat  - Grýzııanyń  Batýmı qalasynda ótken bı dodasynda  "Taldyqorǵan áýenderi" halyqtyq folklorly-etnografııalyq án-bı ansambli bas júldeni qanjyǵalady. 23 memleketten jınalǵan 300 qatysýshynyń arasynan sýyrylyp shyǵyp, elimizdiń atyn asqaqtatqan óner ujymy búgin elge oraldy, dep habarlaıdy QazAqparat tilshisi. 

Jeńimpazdardy áriptesteri men ákimdik qyzmetkerleri qalanyń kireberisinde qurmetpen qarsy aldy.

«Biz Batýmı qalasynda 29 maýsym men 1 shilde aralyǵynda óner kórsetip qaıttyq. Gran-Prımen qosa, barlyq qatysýshylar ishinen myqtysyn tańdaıdy eken. Úshinshi oryn - Ýkraına, ekinshi oryn - Malaızııa, birinshi oryn - Grýzııaǵa buıyrsa, bizge, ıaǵnı, Qazaqstanǵa uıymdastyrýshylar tarapynan Gran-Prı jáne Kýbok tabystaldy. Bizdiń baǵymyzdy jandyryp, baǵamyzdy kótergen - bul qazaqtyń ulttyq bıleri «Turan» bıi men «Dala saryny» boldy. Baıqaýǵa baryp-qaıtýymyzǵa qoldaý bildirgen qala ákimi Dastan Shaltabaevqa alǵysymyzdy bildiremiz», - dedi "Taldyqorǵan áýenderi" halyqtyq folklorly-etnografııalyq án-bı ansambliniń jetekshisi Medet Tuzbaev.

"Taldyqorǵan áýenderi" halyqtyq folklorly-etnografııalyq án-bı ansambli 2011 jyly qurylǵan. Óner  ujymy byltyr  Sochı qalasynda ótken halyqaralyq baıqaýǵa qatysyp, 10 memlekettiń arasynan Bas júlde jáne I-oryndy ıelengen bolatyn.