Taldyqorǵandaǵy Jetisý ýnıversıtetinde jastar ortalyǵy ashylady
Ortalyq ýnıversıtettiń qurylymdyq bólimi retinde ashylyp, oǵan 12 stýdent shtattyq qyzmetke alynady. Bul jóninde stýdent-jastardyń JMÝ rektory Qýat Baımyrzaevpen kezdesýinde belgili boldy.
Rektor stýdentterdi jastar jylynyń bastalýymen quttyqtap, olardyń bilim men ǵylym, shyǵarmashylyq salasynda úlken jetistikke jetýlerine tilek bildirdi. Kezdesý maqsaty - keshendi jospar qurý úshin stýdentterdiń Jastar jylynda uıymdastyratyn is-sharalaryn, maqsat-mindetterin, usynystary men pikirlerin tyńdaý. Ár stýdentti muqııat tyńdaǵan rektor olardyń suranysyn barynsha qanaǵattandyrýǵa tyrysty. Jyl boıy atqarylatyn aýqymdy isterdiń tizbesi jasaldy.
Eń bastysy jastardyń belsendiligin arttyrý jáne jumysqa tartý maqsatynda Jastar ortalyǵy ashylatyn boldy. Sonymen qatar, ýnıversıtet ákimshiligi shyǵarmashylyq baǵytta júrgen stýdentterdiń halyqaralyq, respýblıkalyq deńgeıde ótkiziletin baıqaýlarǵa qatysýyna qoldaý kórsetýdi eselemek. Jıynda kásippen, ǵylymı zertteýlermen aınalysqysy kelgen stýdentter úshin erekshe jaǵdaı jasalatyny da aıtyldy. Stýdentterdiń shetelge shyǵý saparalary da nazardan tys qalmady. Jazǵy demalys kezinde Estonııa eline 10 kúndik jazǵy mektep uıymdastyrylady.
Bilim alýshylardyń budan basqa da áleýmettik máseleleri qozǵalyp, máselelerdiń sheshý joldary qarastyrylmaq.
Foto: expomod.kz