Taldyqorǵandaǵy jańa jyldyq bezendirýge 36 mln teńge jumsalmaq

TALDYQORǴAN. QazAqparat Taldyqorǵan ákimdigi qalany jańa jylǵa bezendirýge 36 mln 554 000 myń teńge jumsamaq, - dep habarlaıdy QazAqparat tilshisi.

Qalaǵa alynatyn bir shyrshanyń quny shamamen 3 mln 224 myń teńge.

«Jalpy qalaǵa úsh shyrsha ornatylady. Ol úsheýine 9 871 000 teńge bólindi. Qajetti shyrshalar satyp alynyp, qoıylyp jatyr. Al shyrshadan bólek qalany bezendirýge 26 mln 683 myń teńge qarastyrylǵan»,- dedi Taldyqorǵan qalasy ákiminiń baspasóz qyzmetiniń hatshysy Madı Shakenov QazAqparat tilshisine.

Vedomstvo ókiliniń aıtýynsha, Taldyqorǵannyń 10 jeri jańa jylǵa oraı bezendiriledi. Ol jerlerge - ortalyq alań, Qarataldyń jaǵalaýy, Bıken Rımova atyndaǵy teatrdyń aldy, ortalyq júzý basseınniń alańy, ekinshi shaǵyn aýdanda ornalasqan aınalym, ortalyq arbat, jastar saıabaǵy, Qaratal yqsham shaǵyn aýdanyndaǵy syrǵanaq alańy kiredi. «Jastar saıabaǵyna ornatylatyn shyrshanyń bıiktigi 20 metr, ortalyq alańdaǵy shyrshanyń bıiktigi 24 metr, al Qaratal shaǵyn aýdanyndaǵy syrǵanaq alańyna qoıylatyn shyrshanyń bıiktigi 14 metr bolady»,- dedi Mádı Shakenov.

Sondaı-aq jańa jylǵa oraı jastar saıabaǵynda merekelik shara uıymdastyrylyp, kesh sońy ot shashýmen aıaqtalady dep josparlanýda.