«Taldyqorǵandaǵy tamasha saǵat araqqa qarsy jarnama jasaıdy» - respýblıkalyq basylymdarǵa sholý
***
«Egemen Qazaqstan» gazetiniń jazýynsha, quramyna mınıstrlikter men vedomstvolardyń, «Samuryq-Qazyna» ulttyq ál-aýqat qory» AQ-tyń jáne ulttyq kompanııalardyń ókilderi kirgen Qazaqstan delegatsııasynyń Ispanııaǵa sapary bolyp ótti. Delegatsııaǵa Indýstrııa jáne jańa tehnologııalar mınıstri Áset Isekeshev basshylyq jasady. Sapar aıasynda Qazaqstan delegatsııasynyń jetekshisi Ispanııa úkimetiniń joǵary laýazymdy ókilderimen, atap aıtqanda, Syrtqy ister jáne yntymaqtastyq mınıstri Hose Manýel Garsııa-Margalomen, Indýstrııa, energetıka jáne týrızm mınıstrliginiń Indýstrııa, shaǵyn jáne orta bıznes máseleleri jónindegi bas hatshysy Lýıs Valero Artolamen, sondaı-aq shtab-páteri Madrıdte ornalasqan BUU Búkilálemdik týrıstik uıymynyń atqarýshy dırektory Marsıo Favıllamen kezdesip, kelissóz júrgizdi. Maqala "Sapar maqsaty - yntymaqtastyqty tereńdetý" degen taqyryppen berilgen.
***
Kelesi oqý jylynda latyn álipbıin oqytýdy bastaý kerek dep esepteıdi seator, saıasattaný ǵylymynyń doktory, professor Murat Baqtııaruly. Ol bul baǵytta Qazaqstanda júzden astam zertteý jobasy jasalyp, ádebıetterdiń kırıll jazýynan latynǵa aýdarý shyǵyny da eseptelinip qoıǵanyn aıtady. Halyq qalaýlysy bul paıymdaryn «Aıqyn» gazetine «Qoǵam latyn álipbıine kóshýge daıyn» degen taqyryppen berilgen suhbatynda bildirgen. Basylym tilshisiniń barlyq saýalyna tuşymdy jaýap bergen ol: «Bul reformanyń saıası salmaǵy da bar. ıAǵnı latyn álipbıine kóshý arqyly Qazaqstannyń túrki álemimen jaqyndasýy odan ári arta túsedi. Elimizdiń memlekettik mártebesine zor yqpal etedi», - deıdi.
«Aıqyn» gazetiniń jazýynsha, Almaty oblysynyń ortalyǵyndaǵy M. Tynyshpaev atyndaǵy tarıhı-ólketaný murajaıyna kópten beri qalanyń kórkin kirgizip turǵan, alkogolge qarsy kúresti jarnamalaıtyn erekshe saǵat syıǵa tapsyryldy. «Saǵattyń erekshe tetikteri tek ýaqytty kórsetpeı, aýyq-aýyq sýretterdi almastyryp turady. Saǵat ishinde qoldarynda stakany bar aıýlardyń músinderi qozǵalyp júrse, astynda taqpaq túrinde alkogolge qarsy jarnama qozǵalatyn», - dep túsindirdi murajaı qyzmetkeri R.Berjanova. Maqala «Taldyqorǵandaǵy tamasha saǵat araqqa qarsy jarnama jasaıdy» degen taqyryppen berilgen.
***
«Jyldyń aptap ystyǵynda turǵyndar demalysqa shyqqandy qalaıdy. Qaltasy kótergeni shekara assa, aqshasy shamalylary jergilikti kýrort pen sanatorııdi jaǵalaıdy. Tipti oǵan da shamasy kelmeıtinder barshylyq. Qysqasy, árkim kórpesine qaraı kósiledi», - dep jazady «Alash aınasy» gazeti búgingi sanyndaǵy «Kýrortty júrmiz maqtap qur, kýrortologııa aqsap tur» degen taqyryptaǵy maqalasynda. Basylymnyń atap ótýinshe, mamandar elimizdegi basym kópshilik demalys oryndaryndaǵy baǵa shamadan tys joǵary ekenin aıtady. Sol sebepti tabysy ortasha turǵyndardyń uǵymynda arnaıy oryndarda demalý degen túsinik joq. Al kýrortta 10-15 kúndik em qabyldap, demalatyn bolsańyz, ortasha eseppen 300-350 myń teńge shyǵyndaýyńyzǵa týra keledi.
***
Aqmolanyń qorǵanys isteri jónindegi departamenti aıtarlyqtaı shyǵynǵa ushyrapty. Áskerı prokýratýra vedomstvonyń qaraqshylyq operatsııalyq júıe baǵdarlamalarmen jumys istep turǵan kompıýterlerin tárkilegen. Bul jaıynda «Ekspress K» gazetinde «Maıkrosoft protıv Mınoborony» taqyrybymen jaryq kórgen maqalada baıandalǵan. Basylymnyń atap ótýinshe, áskerı komıssarıat lıtsenzııalanbaǵan Windows HR Professional Service Pack 2 baǵdarlamasymen jumys istep kelgen. Avtorlyq quqyqty buzǵandary úshin shartty túrde jaza alǵan áskerılerge atalǵan baǵdarlamalardyń quny 161 myń teńgeden aspaǵannan keıin qarjy polıtsııasy qylmystyq is qozǵamaǵan. Degenmen olar 161 myń teńgege aıyppul tóleýge májbúr bolyp otyr.