Taldyqorǵandaǵy máıithanaǵa 5,5 mln teńge aıyppul salyndy
Taldyqorǵan qalalyq sanıtarııalyq-epıdemıologııalyq baqylaý basqarmasy Jetisý oblysy boıynsha sot saraptamalary ınstıtýtynyń sanıtarııalyq jaı-kúıine tekseris júrgizdi.
«Basqarma mamandary osy jyldyń 19-29 maýsymy aralyǵynda Sot saraptamasy nysanynda jospardan tys tekserý júrgizdi. Tekserý barysynda máıithana úı-jaılaryn ustaýdyń sanıtarııalyq-epıdemıologııalyq talaptarynyń saqtalmaý faktileri rastaldy», - delingen vedomstvonyń habarlamasynda.
Tekserý nátıjesi boıynsha 1600 aılyq eseptik kórsetkish mólsherinde aıyppul salynyp, zańdy tulǵaǵa «ákimshilik quqyq buzýshylyq týraly» Qazaqstan Respýblıkasy Kodeksiniń 425-baby 1-bóligi boıynsha Ákimshilik quqyq buzýshylyq týraly hattama toltyryldy. Sot saraptamasy obektisiniń basshylyǵyna naqty oryndaý merzimderi bar buzýshylyqtardy joıý týraly nusqama berildi.