Taldyqorǵandaǵy tsehta jarylys bolyp, 3 adam zardap shekti
«25 tamyzda saǵat 03:25-te Almaty oblysy TJD-syna Taldyqorǵan qalasy Medeý kóshesinde avtokólik shınasyn qaıta óńdeý tsehy aýmaǵynda syıymdylyǵy 5 tekshe metr (ashyq shatyr astynda ornalasqan), shınalardyń vakýýmdyq pırolızine arnalǵan rezervýardyń jarylǵany týraly habarlama kelip tústi. Odan ári 80 sharshy metr ashyq shatyr astynda ornalasqan eski shınalar órtendi»,- delingen Almaty oblystyq Tótenshe jaǵdaılar departamentiniń baspasóz qyzmeti taratqan habarlamada.
Oqys oqıǵa saldarynan tsehtyń 3 qyzmetkeri zardap shekti. Olar 59, 52 jáne 43 jasta. Eki er adamnyń jaǵdaıy ortasha, 43 jastaǵy er adamnyń jaǵdaıy aýyr. Úsheýi de Taldyqorǵan qalasyndaǵy kópsalaly aýrýhanaǵa jetkizildi.
«Órt saǵat 04.27-de oqshaýlanyp, saǵat 04.49-da tolyǵymen sóndirildi. Oqıǵa ornyna Almaty oblysy TJD-dan 24 qyzmetker men 9 tehnıka; qalalyq polıtsııa basqarmasynan 10 qyzmetker men 4 tehnıka; jedel medıtsınalyq járdem brıgadasynan 6 qyzmetker men 2 tehnıka; sý arnasynan 4 qyzmetker men 2 tehnıka; elektr jelisinen 4 qyzmetker men 2 birlik tehnıka shyqty «, - dep tolyqtyrdy atalǵan vedomstvonyń baspasóz qyzmetinen.