Taldyqorǵandaǵy bilim salasyna qatysty jemqorlyq qylmystary 4-5 jyl buryn bastalǵan
Ortalyq kommýnıkatsııalar qyzmetinde ótken brıfıngi kezinde jýrnalıster oblys basshysynan nege bilim salasynda jemqorlyq faktileri jıilep ketkenin surady.
«Taldyqorǵan qalasynda bilim salasynda jemqorlyq áreketteri nege kóbeıip ketti degen saýaldyń jaýabyn birge izdeıik. Bul tek Taldyqorǵan oblysynda ǵana bar dep oılamaımyn. Ol eski saıası júıeniń, eski memlekettik basqarý kezeńinde kóptegen óńirlerimizde tek qana bilim berý emes, densaýlyq saqtaý, mádenıet, qurylys, temirjol, avtojol salasynda da mundaı bylyqtar shyǵyp jatyr», - dep jaýap berdi Beıbit Isabaev.
Onyń aıtýynsha, Taldyqorǵan qalalyq bilim bólimi býhgalterleriniń jemqorlyq áreketteri ertede bastalǵan.
«Byltyr jeltoqsanda bul týraly (jemqorlyq qylmysynyń belgileri – avtor túsindirmesi) aqparat aldyq. Keıin eshkimge aıtpaı, jabyq tekserý júrdi. Aqyry barlyǵy qolǵa tústi. Endi qazir olar óz kinásin moıyndap, tergeý júrip jatyr. Jalpy bilim salasyndaǵy qylmystardy zerttep kelsek, olar keminde 4-5 jyl buryn bastalǵan. ıAǵnı 4-5 jyl buryn jan basyna shaqqandaǵy qarjylandyrý bastalǵannan beri osyndaı qylmystyq top uıymdasa bastaǵan», - dedi oblys ákimi.