Taldyqorǵandaǵy «114» jelisine jarty jylda 6 myń qońyraý shalynǵan

TALDYQORǴAN. QazAqparat – Taldyqorǵandaǵy «114» qaýyrt jelisine jarty jylda 6 myńnan astam qońyraý shalynǵan. Call-ortalyq negizinen turǵyndarǵa dinı máseleler boıynsha keńes berý maqsatanda respýblıka aýmaǵynda tegin qyzmet kórsetti, dep habarlaıdy QazAqparat tilshisi.

Qaýyrt jelini Almaty oblysynda qurylǵan «Іzgilikti ister» qoǵamdyq qory arnaıy grant utyp alyp iske qosty.

Maýsym-qarasha aılary aralyǵynda el turǵyndarynan 6 myńnan astam qońyraý shalynyp, naqty din taqyryby boıynsha 500-ge jýyq adamǵa keńes berildi. Bilikti teologtar men psıhologtar halyqtyń din máselesine qatysty saýaldaryna jaýap berip qana qoımaı, jeke qabyldaýlar júrgizdi.

Din salasynyń ókilderi mundaı qaýyrt jeli óte qajet ekenin alǵa tartady.

Taldyqorǵandaǵy ortalyq «Iman» meshitiniń qyzmetkeri Nursultan Nurfazylovtyń aıtýynsha adamdar bilmestikten kóp qatelikter istep jatyr.

«Bilmestikten bireýdiń aqylyn tyńdap, bireýdiń keńesin alyp adasyp ketip jatady. Sondyqtan da bul joba sol úshin jasalǵan». Adam balasyn dıstrýktıvti jat aǵymdardan saqtap qalý úshin, adamdardy durys jolǵa salýdyń bir úlken jobasy dep oılaımyn», - deıdi dástúrli din ókili.

«114» qaýyrt jelini uıymdastyrýshylar eger memleket tarapynan qoldaý bolyp, qarjy bólinse jobany 2020 jyly da jalǵastyrýǵa múmkindik bar.