Taldyqorǵanda jylý tarıfi tómendetildi

TALDYQORǴAN. QazAqparat - Taldyqorǵan qalasynda jylýdyń tarıfi tómendetildi, dep habarlaıdy QazAqparat Ulttyq ekonomıka mınıstrligi Tabıǵı monopolııalardy retteý komıtetiniń baspasóz qyzmetine silteme jasap.

Komıtettiń Almaty oblysy boıynsha departamenti 2020 jyldyń qorytyndysy boıynsha «Taldyqorǵanjylýservıs» MKK-nyń jylý energııasyn óndirý, berý, bólý jáne onymen jabdyqtaý qyzmetteri tarıftik smetasynyń oryndalýyna taldaý júrgizdi.

«Taldaý nátıjesinde, «Taldyqorǵanjylýservıs» kásipornyn qaıta qarjylandyrý stavkasyn eskere otyryp, negizsiz tabys somasy 155 411 862 teńge kóleminde negizdelmegen paıda mólsheri anyqtaldy», delingen habarlamada.

Osyǵan oraı, departamenti 17 mamyrdaǵy №82-NQ buıryǵyna sáıkes, «Taldyqorǵanjylýservıs» kásipornynyń bir jylǵa 7 250,54 teńge/Gkal (QQS-syz) mólsherinde ýaqytsha ótem tarıfi bekitildi (buryn qoldanystaǵy tarıf 7 567,46 teńge/Gkal (QQS-syz)).

ıAǵnı tarıf 1 shildeden bastap qoldanysqa engiziledi, tómendeý 4,19% deńgeıinde bolady.