Taldyqorǵanda jylý qubyry jarylyp, 67 kópqabatty úı jylýsyz qaldy
11:24, 02 Aqpan 2023
TALDYQORǴAN. QazAqparat - Taldyqorǵanda jylý qubyry jarylyp 67 kópqabatty úı jylýsyz qaldy, dep habarlaıdy QazAqparat tilshisi.
«Jeltoqsan men Medeý kósheleriniń qıylysynda jylý qubyry jarylyp, qazir 28 adam jóndeý jumystaryn júrgizip jatyr. Qubyrdan búgin tańǵy saǵat 6:00 shamasynda aqaý shyqqan. Qazir 67 kópqabatty úı jylýsyz qaldy. Bizdiń josparymyz boıynsha tórt saǵattyń ishinde aqaý jóndelip, jylý úılerge beriledi», - dedi Taldyqorǵan qalasy ákimi baspasóz qyzmetiniń ókili Mádı Shakenov.
Vedomstvo ókiliniń málimetinshe, Taldyqorǵan qalasyndaǵy jylý qazandyqtarynyń barlyǵy shtatty rejımde jumys istep tur.