Taldyqorǵanda jylý qazandyǵy jarylyp, 280 nysan jylýsyz qaldy

TALDYQORǴAN. QazAqparat - Taldyqorǵan jylý qazandyǵy jarylyp, 280 abonent jylýsyz qaldy, dep habarlaıdy QazAqparat tilshisi.

Oqıǵa qaladaǵy ekinshi yqsham aýdanda ornalasqan N1 jylý qazandyǵynda bolǵan.

«280 abonent jylýsyz qaldy. Onyń ishinde jeke jáne kópqabatty úıler, bıznes nysandary - bári bar. Jarty saǵattyń ishinde rezervte turǵan qazandyq iske qosylady»,- dedi Taldyqorǵan qalasy ákiminiń baspasóz hatshysy Madı Shakenov.

Qazir Taldyqorǵanda aýa temperatýrasy -11 gradýs aıazdy kórsetip tur.

«Jylý qazandyǵyndaǵy apattyń mán-jaıy anyqtalyp jatyr. Zardap shekkender joq»,- dedi Madı Shakenov.