Taldyqorǵanda jańa jylda 7 sábı dúnıe esigin ashty

TALDYQORǴAN.QazAqparat - Taldyqorǵanda jańa jylda 7 sábı dúnıege keldi, dep habarlaıdy QazAqparat tilshisi.

5 qyz, 2 uldyń analaryn qala ákimi, qalalyq partııa fılıalynyń tóraǵasy Ǵ.Ábdiraıymovtyń atynan Taldyqorǵan qalalyq partııa fılıaly tóraǵasynyń birinshi orynbasary, «Jetisý - adaldyq alańy» jobalyq keńsesiniń jetekshisi Amanjol Jazyqbaev quttyqtady.

Partııanyń «Baqytty otbasy» jobasyn tilge tıek etken ol qazirgi tańda analarǵa jasalyp jatqan qamqorlyqty atap ótti. Amanjol Jazyqbaev sábılerge erteńgi kúni el týyn kóterip júretin úlgili azamat bolsyn dep tilegin bildirdi.

Jalpy ótken jyly Almaty oblysynda 37 myńnan astam bala dúnıege kelgen, onyń ishinde Taldyqorǵanda 6600-den asa sábı ómir esigin ashty.