Taldyqorǵanda zańsyz alkogol satqandar ustaldy

TALDYQORǴAN. QazAqparat – Taldyqorǵan qalasynda zańsyz alkogol ónimin satqandar ustaldy, dep habarlaıdy QazAqparat Memlekettik kirister komıtetine silteme jasap.

Baspasóz qyzmetiniń málimetinshe, alkogol ónimderin zańsyz saqtaý faktilerin anyqtaý jáne jolyn kesý maqsatynda Almaty oblysy boıynsha Memlekettik kiris departamenti qyzmetkerleri tekserý júrgizgen.

«Tekserý barysynda qala ortalyǵyndaǵa saýda úıi qoımasynyń birinen alkogol ónimderin zańsyz saqtaý jáne ilespe júk qujattarynsyz ony aınalymǵa shyǵarý faktisi anyqtaldy. 118 dana alkogol ónimi tabyldy. Onyń jalpy somasy 233 500 teńge. Onyń ishinde 90 dana beslıtrlik ydys, 0,5 l – 22 dana jáne 1 l – 6 dana quramynda spırti bar ónim alyndy. Sondaı-aq 3 360 dana quny 840 myń teńgeniń aktsızdik markasy joq temeki partııasy anyqtaldy», delingen habarlamada.

Qazir kinálilerdi jaýapkershilikke tartý máselesi qaralýda. Atalǵan fakti boıynsha materıaldar Taldyqorǵan qalasynyń mamandandyrylǵan aýdanaralyq ákimshilik sotyna jiberilgen.