Taldyqorǵanda ýchaskelik polıtsııa qyzmetkerleri 30-ǵa jýyq saýda ornyn zańsyz teksergen
«Baqylaýshy memlekettik organdardyń zańsyz áreketterinen 2 myńǵa jýyq kásipkerdiń quqyǵy qorǵaldy. Mysaly, salyq organdary myńnan astam jeke kásipkerge zańmen qarastyrylmaǵan shekteý sharalaryn (salyq buıryǵy) qoıǵan. Qadaǵalaý aktisi negizinde olar zańsyz dep tanylyp, kúshi joıyldy», - dedi Jetisý oblysynyń prokýrory Madııar Basshybaev.
Taldyqorǵan qalasynda ýchaskelik polıtsııa qyzmetkerleri 30-ǵa jýyq saýda ornyn zańsyz tekserýge jol bergen. Prokýrorlyq qadaǵalaý aktileri boıynsha 13 laýazymdy tulǵa tártiptik jaýapkershilikke tartyldy.
Prokýratýranyń bazasynda qurylǵan «Mobıldi toptar» kásipkerdiń quqyǵyn buzý jaıly 33 sıgnaldy qabyldap, olar boıynsha tıisti sharalar qabyldady. Top qyzmetiniń tıimdiligin arttyrý maqsatynda arnaıy «mobıldi qosymsha» ázirlenip, ol kópshiliktiń nazaryna usynyldy.