Taldyqorǵanda túrkitildes ónerpazdar bas qosty

TALDYQORǴAN.QazAqpart - Jetisý jerinde tuńǵysh ret «Máńgilik eldiń máńgilik saryny» atty halyqaralyq dástúrli mýzyka festıvali ótti. Otandyq jáne sheteldik ónerpazdar usynǵan gala kontsertti jetisýlyqtarmen birge Almaty oblysynyń ákimi Amandyq Batalov tamashalady, dep habarlaıdy QazAqparat tilshisi.

Aýqymdy sharaǵa tegi Túrki sanalatyn birneshe eldiń ıaǵnı, Túrkııa, Túrikmenstan, Tatarstan, Ózbekstan, Qyrǵyzstan, ıAkýtııa men Tývadan belgili óner maıtalmandary qatysty. Máselen, halyq Tyva Respýblıkasynyń ánshisi Igor Koshkendeıdiń ónerine erekshe tánti boldy. Ol kómeımen án salýdyń alty túrin jetik meńgergen. Taǵy bir tańǵajaıyp talant ıesi Saha elinen kelgen ıÝlııana Krıvoshapkına. Onyń shańqobyzben oryndaǵan áýeni talaıdy tańdaı qaqtyrdy.

«Festıvalge qatysýǵa birden kelisimimdi berdim. Sebebi, ózim de Qazaqstanda óner saparymen júr edim. Sáti túsip turǵanda Jetisý jurtynyń aldynda óner kórsetkim keldi», deıdi ıÝlııana Krıvoshapkına.

Túrkııalyq ónerpaz Irfan Gıýrdalǵa da el rıza boldy. Ol jetisýlyq kórermen aldynda aldymen ana tilinde án saldy. Túrik ánshisiniń án qorjynynda qazaqtyń 10-ǵa jýyq áni bar eken.

Túrki áleminiń áýezdi shyǵarmalary oryndalǵan kontserttiń qyzyqty, mazmundy ótkeni sonshalyq kórermen uıyp tyńdap, alaqandaryn shapalaqtaýmen boldy. Jetisý jerinde uıymdastyrylǵan túrki mýzykasynyń festıvali kelesi jyly da ótedi dep josparlanyp otyr. Shara «Rýhanı jańǵyrý» baǵdarlamasy aıasynda tuńǵysh ret uıymdastyryldy. Maqsaty - ulttyq ónerdi ulyqtaý, folklorlyq janrdy keńinen nasıhattaý, etnografııalyq ujymdardyń ózara shyǵarmashylyq baılanysyn damytý. Festıvalge «TURKSOY» Túrki mádenıetin jáne ónerin damytý halyqaralyq uıymy men jergilikti bılik qoldaý kórsetti.