Taldyqorǵanda túlekterge sońǵy qońyraý onlaın formatta ótti
«Búgin Almaty oblysynda 428 558 oqýshy oqý jylyn aıaqtady. Onyń 18 myńǵa jýyǵy - 11 synyp túlekteri. Onyń 1521-i - «Altyn belgi», 1055-i - úzdik attestatqa úmitker. Taldyqorǵan qalasynda sońǵy qońyraý mektep túlekterine onlaın formatta ótti. Sebebi shahar koronavırýsqa baılanysty qyzyl aımaqta» dep málimdedi Almaty oblystyq bilim basqarmasynyń baspasóz qyzmetinen.
Vedomstvonyń aqparatyna sáıkes, jalpy Almaty oblysynda 690 mektepte sońǵy qońyraý saltanatty túrde ótken.
«Taldyqorǵannan bólek, sońǵy qońyraý merekesi 9-11 synyptyń oqýshylaryna jáne 300 oqýshyǵa deıingi kontıngenti bar 690 mektepte saltanatty túrde ótti. Jıyn óńirlik bas sanıtar dárigerlerdiń kelisimi boıynsha mektep aýmaǵynda, ashyq alańda barlyq sanıtarlyq talapqa sáıkes uıymdastyryldy»,- dep tolyqtyrdy atalǵan vedomstvonyń baspasóz qyzmeti.
Máselen, Sarqan aýdanynda 420 túlek úshin sońǵy qońyraý sharasy mektepte uıymdastyryldy.
«Bıyl aýdandaǵy 30 mekteptiń 420 túlegi úshin sońǵy qońyraý soǵyldy. Onyń ishinde «Altyn belgige» úmitker – 68, «Erekshe úlgidegi attestat» – 25 oqýshy.
Aıta keteıik, Aqyn Sara atyndaǵy orta mekteptiń túlegi Ádilbek Arýjan Halyqaralyq pán olımpıadasynda top jaryp, Almaty qalasyndaǵy ál-Farabı atyndaǵy Qazaq ulttyq ýnıversıtetine bıologııa páni boıynsha grant ıegeri atandy.
6 mamyrdan bastap 11 synyp túlekteri úshin UBT tapsyrý bastaldy.
Qazirgi jaǵdaıǵa baılanysty birqatar shekteýler bolyp, sanıtarlyq talaptar qatań saqtalady.
«Mektep bitirýshi túlekterdiń jáne ustazdardyń qaýipsizdigine aıryqsha ekpin qoıamyz. medıtsınalyq maska taǵý mindetti bolady. Araqashyqtyqty saqtaý úshin arnaıy belgiler qoıylady», - deıdi aýdandyq bilim bóliminiń basshysy Panar Anýarbekqyzy.