Taldyqorǵanda tórt jasar bala basseınge batyp ketti
10:51, 02 Tamyz 2023
ASTANA. QazAqparat - Taldyqorǵan qalasyndaǵy basseınderdiń birinde 4 jastaǵy bala sýǵa batyp ketti, dep habarlaıdy QazAqparat Jetisý oblystyq Tótenshe jaǵdaılar departamentiniń baspasóz qyzmetine silteme jasap.
Belgili bolǵandaı, 2023 jyldyń 1 tamyzynda Taldyqorǵan qalalyq jedel járdem brıgadasyna Taldyqorǵandaǵy otbasylyq demalys ortalyqtarynyń birindegi basseınge balanyń batyp ketkeni týraly qońyraý kelip túsken. Shaqyrý ornyna jetkende eresekterdiń qaraýynsyz qalǵan 2019 jyly týǵan bala basseınge qulap, sýǵa batyp ketkeni anyqtaldy. Jedel járdem brıgadasy alǵashqy medıtsınalyq kómek kórsetkenimen, ókinishke qaraı, balany aman alyp qalý múmkin bolmady.
Qazirgi tańda Taldyqorǵan qalalyq ІІB qyzmetkerlerimen tergeý sharalary júrgizilýde.