Taldyqorǵanda toqtatylǵan kúdikti kólik júrgizýshisiniń birneshe urlyqqa qatysy bary anyqtaldy
16 aqpan kúni oblys ortalyǵynda patrýldeý kezinde qarsy aldynan shyqqan Audi-80 avtokóligi polıtsııa qyzmetkerlerine kúdikti bolyp kórinedi. Sheteldik kóliktiń muz basqan aldyńǵy áınegi júrgizýshiniń kólikke asyǵys otyryp ketkenin baıqatqan. Ol polıtsııa qyzmetkerleriniń toqtatý talabyn elemeı, kerisinshe jasyrynýǵa tyrysyp, qasha bastaıdy. Alaıda, er adam ustaldy. Ol buryn sottalǵan 27 jastaǵy jergilikti turǵyn bolyp shyqty.
Kúdiktiniń jaqyn jerde turǵan Volkswagen kóliginiń akkýmýlıatoryn urlap ketkeni belgili boldy. Tergeý barysynda oblys ortalyǵyndaǵy ashanalar men dúkender kassalarynan birneshe ret aqsha urlyǵyna qatysqany anyqtaldy. Sondaı-aq, buǵan deıin toptasyp zorlaǵany úshin qylmystyq jaýapkershilikke tartylyp, 2021 jyly túrmeden bosatylǵan.
QR QK 200-baby «Aıdap ketý» jáne 188-baby «Urlyq» boıynsha tergeý amaldary júrgizilip jatyr. Kúdikti ÝUI-ǵa qamaldy.