Taldyqorǵanda teris dinı aǵymdy ustanatyn jigit ımamdy soqqyǵa jyqty

TALDYQORǴAN. QazAqparat - Taldyqorǵanda destrýktıvti dinı aǵymnyń jaqtaýshysy meshitte ımamdy soqqyǵa jyqqan. Ol jeti táýlikke qamaýǵa alyndy, dep habarlaıdy QazAqparat tilshisi.

«Maýsym aıynyń basynda meshitte dinı rásim kezinde destrýktıvti aǵymdy jaqtaýshylar men ımam arasynda jaısyz jaǵdaı bolǵan. Qaqtyǵys rásim aıaqtalǵannan keıin meshit aýmaǵynda jalǵasty. Sózge kelip qalǵan erlerdiń biri ımamǵa judyryq ala júgirip, din qyzmetkerin soqqyǵa jyqqan»,- delingen oblystyq polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, polıtsııa shabýyl jasaǵan adamdy ustady.

Ol 33 jastaǵy dinı destrýktıvti aǵymdy ustanýshy bolyp shyqty.

ÁQBtK-niń 73-1-baby boıynsha is qozǵalyp (densaýlyqqa qasaqana jeńil zııan keltirý) sotqa qaraý úshin joldandy.

Er adam sottyń sheshimimen jeti táýlikke qamaýǵa alyndy.