Taldyqorǵanda sýdıa 5 jylǵa bas bostandyǵynan aıryldy

TALDYQORǴAN. QazAqparat – Taldyqorǵan qalalyq sotynyń úkimimen alaıaqtyq jasaǵany úshin Almaty oblysynyń mamandandyrylǵan aýdanaralyq ekonomıkalyq sotynyń sýdıasy A. Túmenbaeva 5 jylǵa bas bostandyǵynan aıyryldy, dep habarlaıdy QazAqparat tilshisi.

A. Túmenbaeva QR QK 190-baby (Alaıaqtyq) boıynsha kináli dep tanyldy. Jetisý oblystyq Sybaılas jemqorlyqqa qarsy is-qımyl departamenti baspasóz qyzmetiniń málimetinshe, ol qyzmettik babyn paıdalana otyryp, alaıaqtyq jolmen para alǵan. Oǵan memlekettik qyzmet atqarýǵa ómir boıyna tyıym salyndy.

«A.K. Túmenbaeva advokat A.D. Tazabekov jáne J.T. Janpeıisov arqyly «Good Zhem» JShS basshysy A.E. Paktan azamattyq is boıynsha oń sheshim shyǵarý úshin 1,5 mln teńge alǵan.

Sol úkimmen A.E. Pak para berýge oqtalǵany úshin memlekettik qyzmette jáne kommertsııalyq uıymdarda qyzmet atqarý quqyǵynan ómir boıyna jáne 4 jylǵa bas bostandyǵynan aıryldy», - delingen departamenttiń baspasóz habarlamasynda.

Vedomstvonyń aqparatyna sáıkes, sot advokat A. Tazabekov pen azamat J. Janpeıisovti paraqorlyqqa deldaldyq jasaǵany úshin kináli dep tanydy. Biraq, olarǵa qatysty is QR 2021 jylǵy 7 jeltoqsandaǵy № 81-VII QR Táýelsizdiginiń otyz jyldyǵyna baılanysty raqymshylyq jasaý aktisi negizinde toqtatyldy.

Úkim zańdy kúshine engen joq.