Taldyqorǵanda stýdentterge nesıe rásimdetken komendant ustaldy

TALDYQORǴAN. QazAqparat - Taldyqorǵanda Jetisý ýnıversıtetiniń stýdentteri komendanttyń ústinen aryzdanyp, kúdikti ustaldy, - dep habarlaıdy QazAqparat tilshisi.

Aryzdanýshy stýdentterdiń sózinshe, jataqhana komendanty olarǵa aıfon telefonyn alý úshin nesıe rásimdetkizip, nesıeni tólemeı qoıǵan. Qazir osy iske qatysty polıtsııa kúdiktini anyqtap, sotqa deıingi tekserý júrip jatyr.

«Osy fakti QR QK 190 baby «Alaıaqtyq» boıynsha sotqa deıingi tergeý júrip jatyr. Kúdikti retinde 41 jastaǵy áıel ustaldy. Ol rasymen stýdentterdiń jataqhanasynda komendant bolyp jumys isteıdi. 11-qazan kúni kúdikti polıtsııaǵa jetkizildi. Tergeý organy 10 stýdent pen 2 jataqhana qyzmetkerinen túsken aryz boıynsha tergeý júrgizip jatyr. Jábirlenýshilerge keltirilgen shyǵyn 14,7 mln teńge. Biraq kúdikti densaýlyǵynyń kúrt nasharlap ketýine baılanysty túsinikteme berýden bas tartty. Qazir ol aýrýhanada jatyr»,- dep túsindirdi Jetisý oblystyq polıtsııa departamenti baspasóz qyzmetiniń habarlamasynda.

Qazir polıtsııa kúdiktiniń ózge de qylmysqa qatysy bar-joǵyn anyqtaýda.